Сафаргул Олимӣ
Соли ҷорӣ дар Тоҷикистон 51 ҳазор шаҳрванди кишвар расман ба унвони бекор сабти ном шудаст. Ҳалимҷон Раҳимов - директори маркази шуғли аҳолии Тоҷикистон - рузи панҷшанбе 25 декабр ба Радиои Озодӣ гуфт, дар кишвар аз ҳисоби аҳолии қобили кор 11 дар сади мардум ё 51 ҳазор нафар аз ҷониби маркази шуғли аҳоли ҳамчун бекор ба қайд гирифта шудааст.
Қисмати бештари бекорон дар навоҳӣ ва вилоёти кишвар сабти ном шудаанд. Дар вилояти Бадахшон шумораи бекорон 16 фоизро аз ҳисоби аҳолии қобили кор ташкил мекунанд, ки ин нишондод дар қиёс бо вилоёти дигари Тоҷикистон ду баробар бештар мебошад.
Ҳалимҷон Раҳимов - директори маркази шуғли аҳолии Тоҷикистон - гуфт, аммо ин арқом баёнгари сатҳи воқеии бекорӣ дар кишвар намебошад. Зеро афроде, ки дар шуъба ва бахшҳои маркази шуғли аҳолӣ сабти ном шудааанд, аслан онҳое ҳастанд, ки шароити ба мардикории Русия рафтанро надоранд.