Пайвандҳои дастрасӣ

Хабари нав

Қонуни экстремизмро ба баррасӣ гузоштаанд



Мирзонабии Холиқзод



Шавкат Исмоилов, раиси кумитаи амният ва дифоъи Маҷлиси Намояндагон рузи 14 октябр ба Радиои Озодӣ гуфт, барои нахустин бор дар байни кишварҳои Осиёи Миёна Тоҷикистон тарҳи қонуни мубориза бо экстремизмро омода намуд. Рузи сешанбе тарҳи ин қонун дар маърази муҳокимаи кумитаҳои Маҷлиси Намояндагон қарор дода шуд.

Муаллифи пешнависи ин қонун Шавкат Исмоилов дар бораи зарурати таҳияи он гуфт: "Тоҷикистон мехоҳад таърифи эхтремизмро дақиқ ва ҳолатҳои онро муайян карда, ҷазоҳо барои амали эхтремистиро маълум кунад".

Ба назари оқои Исмоилов, дар ҳоли ҳозир тарҳи ин қонун дар муҳокимаи кумитаҳост ва нусхаи ниҳоии пешнависи он дар рузҳои наздик омода мешавад, вале ҳамаи кумитаҳо ва ҷониби ҳукумат ба ин мувофиқ ҳастанд, ки ҳар чӣ зудтар дар Тоҷикистон қонуни эхтремизм қабул шавад.

Ба иттилоъи Маҷлиси Намояндагони Тоҷикистон, қонуни ифротгароӣ аз 20 модда ва 8 фасл иборат буда, имкон дорад, ки он дар яке аз иҷлосияҳои ояндаи ин маҷлис барои қабул ба муҳокимаи намояндагони мардум пешниҳод шавад.

Тафсилоти ин хабар дар гушаи Гузоришҳо.

XS
SM
MD
LG