Пайвандҳои дастрасӣ

Натиҷаҳои аввалияи раъйпурсӣ эълон шуд



Абдуқайюми Қайюмзод



Ба қавли Комиссияи марказии интихобот ва раъйпурсии Тоҷикистон 96 фоиз ва ё 2 миллиону нуҳсаду шасту чаҳор ҳазор ашхоси бархурдор аз ҳаққи раъй дар ҳамапурсии ворид сохтани тағйироту иловаҳо ба Қонуни Асосии кишвар, ки рузи 22 июн доир гардид, иштирок ва муносибати худро ба он муайян кардаанд.

Арқоми мазкурро Комиссияи марказии интихобот ва раъйпурсии Тоҷикистон дар як нишасти хабарӣ рузи душанбе, 23 июн эълом дошт. Масъулони ин идора мегуянд, дар ин раъйпурсӣ беш аз навад дар сад ба ҷонибдорӣ ва танҳо чаҳор дар сад муқобили ислоҳоти Қонуни Асосӣ раъй додаанд.

Мирзоалӣ Болтуев - раиси Комиссияи марказии интихобот ва раъйпурсии Тоҷикистон натоиҷи раъйпурсиро ба таври зайл шарҳ дод: "Шаҳри Душанбе тарафдор - 92,57 фоиз, муқобил - 5,21 %. Шаҳру ноҳияҳои тобеи марказ - 93,76 % тарафдор, муқобил - 5,32. Вилояти Мухтори Куҳистони Бадахшон - тарафдор - 91,87 % , муқобил - 7,83 %. Вилояти Суғд - 93,35 фоиз, муқобил - 6,23. Вилояти Хатлон, тарафдор - 92,74 % , муқобил - 6,63 % . Ҷамъ дар ҷумҳурӣ овоз доданд, 2 миллиону 857 ҳазору 685 нафар, тарафдор - 2 миллиону 661 ҳазору 250 нафар, зид - 175 ҳазору 246 нафар."

Ҷузъиёти бештар дар гушаи Гузоришҳо

XS
SM
MD
LG