Саидқосими Қиёмпур
Сандуқи байналмилалии асъор қарор кардааст, ки ба хотири коҳиши фақр дар Тоҷикистон ва мусоидат ба реформаҳои иқтисодии ин кишвар, 87 миллион доллар қарз диҳад. Тибқи иттилои ин созмони молиявӣ, қарзи мазкур дар тӯли се сол ба Тоҷикистон дода хоҳад шуд ва аввалин бахши он 11 миллион доллар, моҳи декабр ҷудо мешавад. Тоҷикистон соли 1993 шомили Сандуқи байналмилалии пул шуд ва аз он замон то кунун, аз ин созмон 88 миллион доллар қарз гирифтааст.