Бино ба хабарҳо, имрӯз дар шаҳри Ҷайпури Ҳинд дасти кам 4 инфиҷор рух додааст. Дар асари таркишҳо дар қисмати қадимаи Ҷайпур, ба гуфтаи пулис, ҳадди ақал 6 нафар кушта ва 30 тани дигар захмӣ шудаанд.
Ҷайпур, ки дар 260-километрии Деҳлии Нав воқеъ аст, яке аз минтақаҳои барои сайёҳон ҷолиби аёлати Раҷастон маҳсуб мешавад. То кунун ҳеҷ гурӯҳе масъулияти ҳамлаҳо дар Ҷайпурро бар ӯҳда нагирифтааст.
