Дар ин дидор Бахтиёр Ҳасанов дар дақиқаи 14-ум ҳисобро боз кард. Баъди 12 дақиқа Иброҳим Рабимов тӯби дувумро ба дарвозаи «Саройкамар» ворид намуд. Ду голи дигари «Регар» ТадАЗ-ро дар нимаи дувуми бозӣ Неъмат Шуҷоъатов (54) ва Жаилтон Оливейраи бразилӣ (75) ба самар расонданд.
Бозии дигари даври чаҳорум миёни ду дастаи шаҳри Қурғонтеппа – «Вахш» ва «Тоҷиктелеком» – дар варзишгоҳи «Пахтакор» баргузор шуд. «Вахш» пас аз ду бохти пайиҳам дар майдони худ ин дафъа ба комёбӣ даст ёфт: Абдурасул Наимов дар дақиқаи 28-ум ва Юсуф Рабиев дар дақиқаи 55-ум ба дарвозаи «Тоҷиктелеком» ду голи беҷавоб заданд.
Ду бозии охирини даври чаҳорум бегоҳи 17-уми апрел баргузор шуд. Бозии «Динамо»-и Душанбе бо «Гвардия»-и Душанбе дар варзишгоҳи марказии пойтахти кишвар бо натиҷаи мусовии 2:2 хотима ёфт. «Энергетик»-и Душанбе бар тими меҳмон – «Равшан»-и Кӯлоб бо ҳисоби 4:1 ғалаба кард.
Бад-ин тартиб, пас аз 4 даври бозиҳо «Регар» ТадАЗ бо 12 имтиёз мисли пешин дар садри ҷадвали мусобиқот қарор гирифтааст. «Динамо» бо 8 имтиёз дар ҷои дувум мебошад. Тими «Парвоз»-и ноҳияи Бобоҷон Ғафуров, ки 2 бозӣ камтар анҷом додааст, бо 6 имтиёз зинаи севумро касб кардааст.
Мавқеъи дастаҳо дар ҷадвали мусобиқа баъди 4 давр
Б | Ғ | М | Б | Т | И | ||
1. | «Регар» ТадАЗ | 4 | 4 | 0 | 0 | 18-3 | 12 |
2. | «Динамо» | 4 | 2 | 2 | 0 | 6-4 | 8 |
3. | «Парвоз» | 2 | 2 | 0 | 0 | 3-1 | 6 |
4. | «Гвардия» | 3 | 1 | 1 | 1 | 5-7 | 4 |
5. | «Энергетик» | 3 | 1 | 0 | 2 | 6-6 | 3 |
6. | «Вахш» | 3 | 1 | 0 | 2 | 3-3 | 3 |
7. | «Хуҷанд» | 2 | 1 | 0 | 1 | 1-1 | 3 |
8. | «Тоҷиктелеком» | 3 | 1 | 0 | 2 | 1-3 | 3 |
9. | «Равшан» | 3 | 1 | 0 | 2 | 4-7 | 3 |
10. | CSКА «Помир» | 3 | 1 | 0 | 2 | 3-8 | 3 |
11. | «Саройкамар» | 4 | 0 | 1 | 3 | 4-11 | 1 |
Даври панҷуми мусобиқот 20-ум апрел оғоз мешавад. «Парвоз» бо CSKA «Помир», «Гвардия» бо «Вахш» ва «Тоҷиктелеком» бо «Саройкамар» бозӣ мекунанд. Ду бозии дигари даври чаҳорум 21-уми апрел байни дастаҳои «Хуҷанд»-у «Энергетик» ва «Равшан»-у «Динамо» баргузор хоҳанд шуд.
