Мақомоти аршади масъалаҳои рушд дар ҷаласаи кумитаи муштараки Сандуқи байнулмилалии пул ва Бонки Ҷаҳонӣ роҳҳои вокуниши сареъ ба афзоиши нархи маводи ғизоӣ дар ҷаҳонро баррасӣ мекунанд. Онҳо аз эҳтимоли нооромиҳои иҷтимоӣ дар ҳоли гирифта нашудани пеши роҳи болоравии нархҳо ҳушдор медиҳанд. Бонки Ҷаҳонӣ мегӯяд, нархи биринҷ дар моҳҳои охир 75 дарсад ва қимати гандум дар як соли гузашта 120 дарсад зиёд шудааст.
