Сафорати Иёлоти Муттаҳида дар Яман аз амрикоиҳои ин кишвар хост, пас аз инфиҷор дар шаҳраки хориҷиёни Санъо, пойтахти Яман аз эҳтиёт кор гиранд. Шоми якшанбе дар ин шаҳрак, ки ба номи Ҳадда ёд шуда, дар он асосан хориҷиён ба сар мебаранд, таркише ба амал омад, ки ҳарчанд кушта ё захмие надошт, хисороти молӣ расонд. Ин шаҳрак ҳамчунин дар наздикии сафоратхонаҳои хориҷӣ воқеъ аст.
