Паймони Атлантики Шимолӣ ба Афғонистон пуштибонии дарозмуддат ва қатъии худро замонат дод. Дар эъломияи муштараки сарони НАТО ва кишварҳои узви эътилофи марбут ба Афғонистон, ки дар Бухорест ба имзо расид, гуфта мешавад, то соли 2010 артиши 80000-нафараи Афғонистон такмил шуда, дар ин байн нерӯҳои иловагӣ ба шарқ ва ҷануби ин кишвар ирсол мегардад. Канада, ки хостори хуруҷи нерӯҳояш аз Афғонистон буд, акнун ба ҳузури дарозмуддати ҳарбӣ дар ин кишвар ризоият дод.
