Маскав интизор дорад, ки дар мулоқоти президентҳои Амрико ва Русия охири ин ҳафта, "чаҳорчӯбаи стратегӣ"-и муносибатҳои дуҷонибаи ду кишвар имзо хоҳад шуд. Қарор аст президенти Амрико Ҷорҷ Даблю Буш ва раисиҷумҳури Русия Владимир Путин рӯзи якшанбе дар Сочӣ, осоишгоҳи соҳили Баҳри Сиёҳ, мулоқот кунанд. Сухангӯи Кремлин, Дмитрий Пешков гуфт, санади нав ба бисёр масъалаҳи муҳими равобити Маскаву Вошингтон дахл хоҳад кард.
