Дар ҳавои нигарониҳо аз вазъи иқтисодии Иёлоти Муттаҳида қурби доллари Амрико дар баробари евро, пули воҳиди Иттиҳоди Аврупо ба пасттарин нуқтаи рекордӣ расид. Ҳоло як евро ба як доллару 56 сент баробар гашт. Ҳамчунин аввалин бор аз соли 1995 ба ин сӯ, қурби доллар дар Ҷопон аз 100 иени ҷопонӣ поинтар афтод. Ва нархи як бушка нафт дар бозорҳои ҷаҳон ба 110 доллар расида, нархи як унсияи тило нахустин бор ба 1000 доллар расид.
