Ҳукумати ақаллияти муҳофизакори Канада тақозои калидии мухолифинро пазируфта, барномаи беруншавии сарбозони ин кишвар аз Афғонистон дар соли 2011-умро муаррифӣ намуд. Тибқи ин барнома беруншавии сарбозон бидуни тамдид дар моҳи июли соли 2011-ум оғоз ёфта, дар моҳи декабри ҳамон сол ба поён мерасад. Ин созиш хавфи интихоботи пешазмӯҳлат дар Канадаро коҳиш медиҳад. Дар вилояти Қандаҳори Афғонистон 2500 афсару сарбози Канада мустақар мебошанд.
